شلاخ في النقل الجماعي

صحاني حــســن...طبعا حـــســـن واحد من الشباب اللي كنت عندهم وقت ماكنت ادور وظيفه...قلت اسمه حـــســـن لان اسمه احلى اسم بالشباب الباقين اساميهم رايحه فيها صاير عليها حادث...المهم كانت الساعه اربعه العصر وكنت نايم احلى نومه تعبااااااااان بعد سهره بيلوت مع شلتي طبعا العواطليه ...ماورانا شي ..غير الانتظار لاحد من الاسره تفضى نرقد؟؟؟؟...المهم صحيت واخذت دش....ماكنها قويه دش ...بس يالله من شان تقولون اني نظيف ...وحياتكم الشقه ذيك واحد ياخذ دش مصيبه لانه لو نفضتها مالقيت منشفه وحده فيها....الحين البنات يقرون ويقولون وعععع احسن .....المهم كان وراي تسجيل بالرياض لازم الحق عليه وكان بجامعه الملك سعود..سالفتهم سالفه سويت زحمه .....وكالعاده رحت للخطوط مالقيت حجز .....شلااااااخ مفلس طلعت بالباص ويخب علي وانا بالطريق كنت افكر اروح تاشيره بس قلت ياولد انت رايح الرياض لازم ترز مايصير اخيرا تهورت ورحت بالباص ...وياليتني؟؟؟؟؟؟...وصلت هناك واخذت تذكره 60 ريال وبقى اربعين من الميه وناااااسه اباشر على نفسي ...الزبده ماحان وقت الرحله الا وطارت الاربعين الباقيه ....لاتنسون باقي معي بالصراف .باقي طل....المهم ركبت الباص .يااااااااااااااا يانظافه فيه ماهي بصاحيه لدرجه اني طاق اللطمه خايف اسوي ازعاج للباسنجرز.....؟وحياتكم سكرت من الريحه المهم ورى الشعب مقومين الحرق دخان وبالنص المصاريه وابو فسيه وقدام العوايل هذي التشكيله اللي دايم يلعب فيها النقل الجماعي من عرفته .....وش عنده الشايب المهم لفت انتباهي مقعد ماهو بصاحي على شارعين بالنص .....بوسط الباص يعني....وكان هناك شايب جالس قلت احلى كلام الحين اتكي عند الشايب ماراح يسووولف؟؟؟؟؟بينام مليون بالميه ياولد ازبن بجنبه ...على فكره الشايب ذاك شكله موقع عقد احترافي مع الباص مجهز العده كلها مخده وحب وشاي كيف تجي عاد فسروها انا الى الحين افكر كيف اجتمعت ...اثاريها تموووووووووووويه؟؟؟ انا جلست بس والباص مشى لانها بصراحه كانت اول رحله وان شالله اخر رحله ....المهم نقز لي من وين ياولدي ولدك بعينك اقول بيني وبين نفسي رديت بذرابه انا من الدنيا قال انطم يابزر افاااااااااااا ادري بس وش عندك رايح الرياض عسى ماشر اشوف بيدك ملف وكيس فيها صصصراويييييل....يقصد الشنطه الحول وحياتكم مافيها غير لبس رياضه وبوت اديداس ورثته من النادي...لاطشه افهموا ...قلت الله يسلمك يا شايب انا من الشرقيه وتوي متخرج رايح ادور على وظيفه بالرياض ......ابي ادرس بالجامعه ....سالني وش الجامعه قلت عندك عيال قال ايه قلت يروحون المدرسه قال ايه قلت بس الله ينور عليك هذي مدرسه بس بعيده عن البيت وبالسعوديه 7 مدارس كل وحده ازين من الثانيه لاكان من تعليم او وسائل راحه ......توط ببطني راح قال .....المهم جرتنا السوالف غدر الليل قام يغني فجاه وانا اسمع الام بي 3 حقي.....::قويه صح ...من ناك مسجل ابو حجر صغير كل غنيه حجرين وانت ماشي.....التفت الشايب وقال ايييييييييه الله يسقي ايام زمان يوم رحت لامريكا ادور وظيفه ياكبرها عند الله.....قلت ايه اسلم اعطيه جوه اصول الخط الطويل قال تصدق رحت لامريكا وهي توها صنادق ....واول ماوصلت هناك دشيت حانه......فك راسي بسكروب مربع حاااانه وش يدري هالشايب بالحانات ..قلت ايه اسلم قال اول مادشيت ومعاي السحاره اسحبها وراي وانا بزر صغيير اخذ يناظرني من فوق لتحت قال مثلك قلت ......وهاذي الثانيه ايا الليل الطويل....اسلم قال واروح لطاوله العصيرات واخذ بايسن اما بايسن بذاك الوقت بيبسي تترقع المهم ...قال وتجيني ذيك البنت وتجلس يمي وتقول ممكن تولع الشيشه لان ماكان عندهم دخان قلت اسلم اسلم وكن الليل طول علي زياده عن باقي الليالي قال وماوعيت الا وشله شباب يلعبون كيرم بزاويه الحانه كان ينقز واحد منهم ويجيني قلت اما كييرم قال ايه قبل ماتجي الشطرنج ويشر بايدينه يقصد البلياردو........قلت اها بذمتي شكلك ماتعديت الدمام روح وراك شي ....قال ويقرب مني ويقرب وهو كله شرار يتناقز من شعره تعرفون فارق التوقيت بيننا وبينهم عندنا الشرر من عيونه وعندهم من شعره .....المهم قال لماذا يو ستينق معاها ......وقام يرقع لنفسه وقال زمان كانوا يتكلمون بالانجليزيه الفصحى ......اها ...روح ماتشوف احد قلت انا تخسي اهي اللي كم تومي...كان يقوم البقس بيني وبينه ويسحبني برى الحانه ونترافس وامسك الحصان حقه واهبده فيه وانقز من فوق على ظهر الحصان....اموت واعرف وش السرعه او السبب اللي خلاه يطلع وينقز ماادري المهم وتروح الايام وتجي وانا ارجع ما سجلت واشوفه صدفه يوم من الايام بالتلفزون يعلن حرب على احد الدول قلت افاااااا......صار رئيس قال ايه وكان اتصل على المحطه وطلبت منهم رقمه وكلمته وسوالف معاه وقلت له اني اللي تهاوشت معاه ذاك اليوم وعرفني وقال والله تجي قايد للجيش عندنا بحكم شجاعتك وقلت لا انا ماني حق مصلحه بس كلمتك اقول لك ان الدنيا صغيره......بكيت انا شوي من القهر بس هاااااااااا ما تعدي على وليف الروح كان ارد له بصاروخ بس صاروخ قلت له مره من..........اوووووه انتهت حلقت اليوم شباب صبابا المره الجايه اكمل لكم باقي السالفه.....ادري بتقولون لا تكفى عرفناها بس انا عاصي مكملها مكملها باييييييييييااااااتو